Karl Orgeltríó og Stef­anía Svavars - James Bond og Bréf­bát­arnir - Múlinn jazz­klúbbur

Múlinn jazzklúbbur

Flytjendur
Stefanía Svavarsdóttir, söngur
Karl Olgeirsson, hammond orgel
Ásgeir Ásgeirsson, gítar
Ólafur Hólm, trommur

Um tónleikana
Loksins röðuðust stjörnurnar á himni þannig upp að leiðir Karls Orgeltríós og Stefaníu Svavars sköruðust. Eitt kósí aprílkvöld á Múlanum mun tríóið og Stefanía flytja vel valin lög úr lagabálki 007. View To A Kill er 40 ára í ár, Thunderbolt er 60 ára og Peter Sellers 100 ára, en hann lék Bond í Casino Royale 1967. Myndin þótti ekki góð en tónlistin frábær og hver veit nema The Look Of Love fái að hljóma. Og svo verða valinkunn lög úr sögu Orgeltríósins flutt inn á milli. 

Stefanía Svavars er löngu þjóðkunn og hefur sungið með helsta tónlistarfólki landsins frá því hún sigraði Samfés keppnina fyrir 17 árum. Karl Orgeltríó var stofnað af Óla Hóm, Ásgeiri Ásgeirs og Kalla Olgeirs til að spila jazz útí horni á ölknæpu á virkum dögum. Nú, tólf árum seinna hefur tríóið sent frá sér tvær breiðskífur, Happy Hour með Ragga Bjarna og Bréfbáta og unnið með fólki eins og Sölku Sól, Unu Stef, Siggu Beinteins, Siggu Eyrúnu, Röggu Gröndal, Rebekku Blöndal, RAKEL, Elín Hörpu, Sigga Guðmunds, Dísu Jakobs, Frikka Dór, Valdimar Guðmunds, Andreu Gylfa, Heiðu Ólafs og fleirum.