Fjöl­skyldu­dag­skrá Hörpu: Skoð­un­ar­ferð með Maxímús

Ath. skoðunarferðin klukkan 11:00 fer fram á íslensku táknmáli en verður raddtúlkuð fyrir þá sem eru heyrandi.

Kolbrún Völkudóttir og Steinunn Arinbjarnardóttir leiða skoðunarferðir fyrir yngstu gesti Hörpu í fylgd fullorðinna í leit að Maxímús Músíkús. Við förum um ýmsa sali, króka og kima Hörpu og veltum fyrir okkur hvort þeir séu ákjósanlegir staðir fyrir litla mús að búa á – Maxímús Músíkús er svo sannarlega langminnsti íbúi sem skráður er til heimilis í Hörpu.

Skoðunarferðin er um það bil hálftími að lengd.

Skoðunarferð kl. 10 - á íslensku
Skoðunarferð kl 11:00 - á íslensku táknmáli og íslensku
Skoðunarferð klukkan 12:00 - á íslensku

Aðgangur er ókeypis en bóka þarf miða, þar sem fjöldi þátttakenda er takmarkaður. Aðeins er bókað fyrir hvert barn, en tveir fullorðnir mega fylgja með. Opnað er fyrir bókanir fimm dögum fyrir auglýsta skoðunarferð.

Aðgengi og aldur
Viðburðurinn fer fram á íslensku táknmáli og íslensku.
Viðburður hentar börnum á öllum aldri.  
Skoðunarferð fer fram í opnum rýmum og sölum Hörpu þar sem gert er ráð fyrir aðgengi að lyftum fyrir þá gesti sem þess óska.
Nánari upplýsingar um heimsóknir í Hörpu og aðgengismál má finna á vef Hörpu.

Við viljum upplýsa gesti um að ljósmyndari á vegum Hörpu gæti verið viðstaddur viðburðinn. Ef foreldrar eða forráðamenn vilja ekki að myndir af börnum þeirra birtist í umfjöllun um viðburðinn á miðlum Hörpu þá biðjum við ykkur vinsamlegast um að láta starfsfólk eða ljósmyndarann vita á staðnum eða í gegnum netfangið markadsdeild@harpa.is.