27. ágúst 2024
Takk fyrir frábæra Menningarnótt í Hörpu!
Harpa þakkar gestum fyrir komuna í Hörpu á Menningarnótt og einnig öllu því stórkostlega listafólki sem kom fram, saman gerðuð þið daginn ógleymanlegan.
Á Menningarnótt voru haldnir um 50 viðburðir í Hörpu og úti á Hörputorgi. Fjöldi gesta í húsi var hátt í 16.000, sem er metfjöldi, auk þeirra gesta sem nutu dagskrárinnar á Hörputorgi. Þá er einnig gaman að segja frá því að 300 manns komu fram þennan dag. Þar á meðal lúðrasveitir, Sinfóníuhljómsveit Íslands, trúðar, tröll og stærðarinnar flamingóar, fljúgandi hjólaknapar, fjölmargt tónlistarfólk og svo mætti lengi telja.
Ragnhildur Gísladóttir og Halldór Gunnar slógu lokahljóminn í dagskrá Hörpu þegar þau stýrðu samsöng af öllum hæðum. Á meðal þeirra sem sungu með var Frú forseti, Halla Tómasdóttir og forsetagæinn Björn Skúlason.
Haustdagskráin í Hörpu er hafin og fjölbreyttir viðburðir í boði í vetur.
Þú finnur dagskrána hér á harpa.is!
Sjáumst í Hörpu!
Fréttir
22. október 2024
Styrkir til tónleikahalds í Hörpu
Umsóknir til tónleikhalds árið 2025
18. október 2024
Harpa leitar að mannauðs- og gæðastjóra
Ef þú hefur brennandi áhuga á að leiða mannauðs- og gæðaverkefnin í Hörpu - viljum við endilega heyra frá þér.
17. október 2024
,,Harpa er hús fólksins“
Því oftar sem fólk heimsækir Hörpu því meiri ánægja