Fjöl­skyldu­dag­skrá Hörpu: Sögu­stund með Maxímús

Í sögustund með Maxa fáum við að fylgjast með tónlistarævintýrum hinnar ástsælu músar Maxímúsar Músíkúsar. Steinunn Arinbjarnardóttir les söguna Maxímús Músíkús bjargar ballettinum úr hinum vinsæla bókaflokki Hallfríðar Ólafsdóttur og Þórarins Más Baldurssonar við tónlistarundirleik og myndasýningu af tjaldi.    

Sögustundin fer fram í Kaldalóni (á fyrstu hæð) og er 30-40 mínútur að lengd. Svo er aldrei að vita nema Maxi sjálfur heilsi upp á gestina að sögustund lokinni!

Aðgangur er ókeypis en nauðsynlegt að tryggja sér pláss með skráningu hér sökum takmarkaðs sætaframboðs. Opnað verður fyrir miðabókanir hér, fimm dögum fyrir auglýsta sögustund.

Aðgengi og aldur  
Viðburðurinn fer fram á íslensku.  
Viðburðurinn hentar vel börnum frá þriggja ára aldri.
Viðburðurinn fer fram í Kaldalóni. Í salnum eru stæði fyrir hjólastóla á efsta bekk.  
Nánari upplýsingar um heimsóknir í Hörpu og aðgengismál má finna hér.

Við viljum upplýsa gesti um að ljósmyndari/upptökumaður á vegum Hörpu gæti verið viðstaddur viðburðinn. Ef foreldrar eða forráðamenn vilja ekki að myndir/myndbönd af börnum þeirra birtist í umfjöllun um viðburðinn á miðlum Hörpu þá biðjum við ykkur vinsamlegast um að láta starfsfólk eða ljósmyndarann vita á staðnum eða í gegnum netfangið markadsdeild@harpa.is.

Næstu sögustundir með Maxímús

9. febrúar 2025 - Maxímús Músíkús heimsækir hljómsveitina - með lifandi tónlistarundirleik frá hljómsveit Tónlistarskóla Hafnarfjarðar.
8. mars 2025 - Maxímús Músíkús fer á fjöll
13. apríl 2025 - Maxímús Músíkús kætist í kór