Íbúar Hörpu
Sinfóníuhljómsveit Íslands
Sinfóníuhljómsveit Íslands hefur verið leiðandi afl í íslensku tónlistarlífi í 70 ár. Hún heldur um 100 tónleika á hverju starfsári, m.a. áskriftartónleika með heimsþekktum stjórnendum og einleikurum, en á einnig samstarf við listafólk úr öðrum greinum tónlistar. Tónlistar- og ráðstefnuhúsið Harpa er heimili Sinfóníuhljómsveitar Íslands.
Íslenska óperan
Íslenska óperan var með heimilisfesti í Hörpu frá opnun og þar til hún lauk störfum árið 2024. Íslenska óperan setti reglulega upp fjölbreyttar sýningar, bæði hefðbundnar og frumsamdar og hlaut ýmis verðlaun og viðurkenningar fyrir vandaðar óperuuppfærslur.
Stórsveit Reykjavíkur
Stórsveit Reykjavíkur hefur alla tíð leitast við að hafa verkefnaval sitt fjölbreytt. Auk nýrrar tónlistar, bæði innlendrar og erlendrar, hefur hljómsveitin flutt sögulegar efnisskrár tengdar einstökum höfundum og hljómsveitum. Hún hefur einnig átt mikið og farsælt samstarf við fjölmarga íslenska söngvara úr heimi popptónlistarinnar.
Maxímús músíkús
Maxímús Músíkús er án efa frægasta tónlistarmús Íslands og þó víðar væri leitað, en bækurnar um hann hafa notið gífurlegra vinsælda meðal íslenskra barna og hafa farið sigurför um heiminn.
