10th October 2024
Harpa hlýtur viðurkenningu
Jafnvægisvogarinnar 2024
Harpa undirritaði viljayfirlýsingu um Jafnvægisvogina í október 2020 og fól yfirlýsingin í sér að Harpa hét því að vinna að markmiðum Jafnvægisvogarinnar til næstu 5 ára eða til ársins 2025. Tilgangur verkefnisins er að auka jafnvægi kynja í efsta lagi stjórnunar fyrirtækja, stofnana og sveitarfélaga á Íslandi og er markmiðið að hlutföllin milli kynja séu 40/60 í framkvæmdastjórnun fyrirtækja á Íslandi.
Svanhildur Konráðsdóttir, forstjóri Hörpu, tók í dag á móti viðurkenningu Jafnvægisvogarinnar 2024 sem veitt var í hátíðarsal Háskóla Íslands.
"Við erum stolt af því starfi sem hefur verið unnið í fyrirtækinu frá undirritun viljayfirlýsingarinnar og það felst mikils metin hvatning í því fyrir Hörpu að fá viðurkenningu Jafnvægisvogarinnar. Metnaður í mannréttindamálum og þar með talin skuldbinding um að stuðla að jafnrétti kynja er lykilatriði í sjálfbærnistefnu okkar. Reglulegar kannanir sýna líka að starfsfólk Hörpu upplifir þá skuldbindingu í verki. Við mælum einnig árlega kynbundinn launamun hjá fyrirtækinu og reyndist hann vera vel innan marka eða 1,2% konum í vil. Við erum því á réttri leið og munum nýta viðurkenninguna til að gera enn betur,“ segir Svanhildur Konráðsdóttir forstjóri Hörpu."
Jafnvægisvogin er mælitæki sem hefur eftirlit með stöðu og þróun kynjajafnréttis í stjórnum og framkvæmdastjórnum og er verkefnið að virkja íslenskt viðskiptalíf til að verða að fyrirmynd jafnréttis fyrir aðrar þjóðir, og að taka saman heildræna stöðu og niðurstöðu greininga á stöðu stjórnenda í íslensku atvinnulífi og birta niðurstöður.
Jafnvægisvogin er hreyfiaflsverkefni FKA og unnið í samstarfi við Creditinfo, Deloitte, forsætisráðuneytinu, Pipar\TBWA, RÚV, Samtökum fyrirtækja í sjávarútvegi og Sjóvá.
Fréttir
10th September 2024
Coocoo's Nest "brunch takeover" at Hnoss in Harpa
Lucas Keller from Coocoo's Nest and Leifur Kolbeinsson from La Primavera join forces at Hnoss!
9th September 2024
The Kalabanté Circus wowed the crowds in Harpa
West African dancing, singing, and jaw-dropping circus acts took centre stage this weekend when the Kalabanté Circus performed their show, Africa in Circus, twice in Eldborg.
9th September 2024
Road closures by Harpa today
Please note that the main entrance to Harpa's parking garage is closed today, but there are other ways to get there and those remain open.